發生的事太多 多得有點兒麻目呢。
只能說 人生いろいろあるんだ。
追星方面，基本上都只係好似一個旁觀者般，守護住會留意的團隊。
頂多每一兩個星期睇下lastidol嘅番組(順便搬埋片去bilibili/facebook page)
或者ske48在香港搞活動時都會去捧場。
上次ゆなな畢業前來港那次都有去捧場搞應援。我自己雖然就搶唔到ゆなな張poster, 但就見到ゆなな時「久しぶりだよね」嘛，我都freeride左咁耐，佢都仲對我有些少少印象，我已經覺得好足夠嫁啦。但都去到呢個時候，除了祝佢人生一路順風之外，都無咩特別野可以講。但能見到「最後一面」我已經覺得對曾經好落力睇7期嘅我有個好滿意嘅完結。
最近那個ske48 documentary也發生了小插曲。主辦單位突然尋找ske48 的 fans club。咁當時都有班人為香港有冇一個真正嘅ske48 fans club而在facebook而嘈起來嘅。我起初都有主動聯絡戲院一方，看看是否有優先場是否請了成員來才想找應援團幫忙什麼的。結果什麼都不是，戲院只是想問問有沒有人有興趣包場睇戲而已。
開賣當日我可是第一個落訂買票的人呀 (呵呵)，但之後發覺 根本就無咁的必要。這個優先場佢兩日搞6場。人流那麼不集中。結果以我觀察，每場只賣廿張門票左右，以日本偶像的類別來講呢次ske48嘅作品應該稱得上為慘淡收場吧。。。結果戲院方連日來不停地問我仲有沒人有興趣去睇呢套戲。我心裡都只能講「愛莫能助」呢。。。至於點解收得咁慘，相信留意開48系嘅都心之肚明吧，依家48系根本就好少新飯。尤其是係ske,，呢幾年香港都只係本身會留意開嘅飯會睇。所以佢出嘅作品頂多都係呢班人受落，其他人本身都唔會對呢個「偶像紀錄片」有想睇嘅意慾吧。。。
講返套戲。
美其名係想以ske為題探討偶像嘅「偶像紀錄片」，越後段就好像是小珠洗白片(笑)，基本上都只係講小珠面對總選要背負幾多幾多野，但總選後消失就略略帶過，之後就講沒了小珠 ske就要點樣點樣撐過，最後就來個小珠歸來「果然有你ske才能走下去呢」
去到呢刻其實個人都無咩感覺。要黑珠要推珠 隨便吧。
只不過上一年ske換center換了ゆなな上場，其實係ske呢十年無做過嘅事，所以都係一件好重要嘅事。但呢個新主角嘅戲份，絕對連一個普通成員都無。我係ゆなな我果陣睇完我都會覺得「其實我係呢度仲有咩意義，我其實對ske係咪可有可無」走其實都係好正確。
我覺得成個團都走左落一個死位。佢地面對緊嘅係48系整體人氣下滑。你地就算在48系入面攞到第一第二名，咁又點，家下無人想知無人識你地呀。果班6期生/Team S好搏命咁跳N隻舞，係呀好勁好犀利。只不過都對成個狀況改變不了什麼。
我覺得啦，佢地呢刻比以前人氣不足，呢個係事實中嘅事實。只能去承認呢一點。就算不人氣，都唔代表無人識欣賞佢，都仲有一班人支持緊佢地。佢地都仲有佢地吸引的地方。要努力保住呢一點，待到某日東山再起，又或者萬一真係一振不起，不忘初衷保住自己的特別就已經係一個好好的走法。
說遠了，其實突然間想寫文講lastidol結果就寫了一堆野講呢家嘅ske概況。
lastidol其實就係另一個故事。
最近ももな先提起「君のachoo」已經出了一年。這一年lastidol究竟又發生了什麼事。
本身一期生好端端，佢第三季又搞出一個二期生。。。
二期生首歌本身都12人，點知呢個團太大愛，所有在第三季比試嘅人和輸了的成員，除了自己申請脫離，都一律加入做二期生under，加入了lastidol family呢個大家庭。
呢下其實我就反哂白眼嘅。本身一期生都未夠紅，搵二期生都已經唔係咩明智嘅決定，仲要招哂啲輸嘅人，數數人頭lastidol 52人其實仲多人過ske等等嘅48系姐妹團。去到第四季thanks god營運終於知道我地想要啲咩 - 一套正常嘅綜藝番，於是18年尾的第四季節目改名做「ラスアイ，よろしく」首幾集都係好正常的綜藝番 (可惜人太多卻只有30分鐘都無嘅番組。)
去到今年年初營運就有個新諗法「步行藝術，團體行動」，佢地為了一個3月 某個籃球比賽嘅中場表演，總動員去練習呢個項目。當然節目嘅內容就係講吓呢個步行藝術有幾難幾難，兩三個月的內容就係合宿1合宿2合宿3。講真如果唔係本身對個團有愛，內容都真係無聊到飛起，係街外人唔會想睇嘅地步。
不過去到呢一刻，我只能講句「錯有錯著」。呢個行動又的確對呢班成員有個磨練嘅作用，係訓練到佢地嘅團結力。中間都發生了一個小插曲，當時導師決定令更多人認識lastidol, 想將出道曲bandwagon擺入去步行藝術表演項目之一，不過一期嘅長月翠去到某一個合宿同導師講佢反對呢個安排，翠翠覺得呢首歌有個好特別嘅意義，係一班人為呢首而爭到你死我活，因為想唱呢首歌先會入lastidol，而唔係好想好似依家大公分豬肉咁個個都有份唱嘿嘿哈哈就算。最後導師決定刪去呢個表演項目，翠翠好自責，但呢個舉動總算喚起返lastidol bandwagon呢首歌嘅初衷，絕對係好事來。
最後佢地嘅表演大成功，佢地本身好感動之餘，我身為fans睇到都覺得開心嘅，因為呢三個月都真係有個成果係度。而且呢個表演帶來嘅迴響，絕對唔係一個「籃球比賽中場表演」咁簡單。在日本好多人都因為呢個表演，因為當時公開的「大人サバイバー」而開始認識lastidol的。我身邊的朋友，在我無傳教的情況下，自己去分享去聽呢首歌。而lasidol亦都因為呢首歌，第一次攞到oricon榜首日銷售第一位! 佢地辛苦訓練三個月，呢家終於係收成期，係值得開心嘅。
「大人サバイバー」絕對值得聽
真係lastidol入面神曲中嘅神曲來。
最近4月跟家人去了一轉日本，得悉lastidol有發售紀念活動。我當日特地由大阪乘最早那班新幹線去博多。為嘅都係親身到現場見ももな翠翠一面，支持佢地 (成本就同我香港特登去日本差唔多，但就唔洗請假) 呢次live睇返哂我呢一年無睇過嘅lastidol live嘅歌。
握手會時都好好地和ももな長月翠等人打個招呼咁。我同ももな就無咩特別好講，除了比佢知我一直咁應援佢，佢就好努力咁「些些」我之外，都無咩特別交流啲咩。但同翠翠反而就講得幾開心，我解釋我去大阪家族旅行但因為佢地所以即日去博多，翠翠即刻問「咁你啲屋企人呢?有冇帶埋佢地來呀」佢比我感覺係佢真係好用心去聆聽fans講嘅野，佢仲親自表演了那個「不能原諒」比我聽(>＿<) 果然長月翠才是lastidol嘅核心人物呢。
順帶一提，果班二期生都好搏命，好熱情。握幾次都睇到佢地幾識搞笑。尤其是水野，我問佢識唔識英文佢就用英文答「i dont speak english」 我話來日本睇櫻花啲櫻花好靚佢就講「私みたいに(就像我一樣)」都真係幾趣致。
最近想分享嘅野差唔多(?)
