SKE48 @C3日本動玩博覽2017 LIVE 小畑優奈握手會報告

都潛左好耐水, 純粹最近沒了寫blog的意識, 時間都花在打機&陪陪朋友咁

追星的話, 都無咩特別去睇,只係有時碌到其他人講略知一二咁~

所以都係由最上次的香港event講起~~~

二月的時候SKE48有8個成員來香港。 今次佢地C3來香港，我覺得自己可能是其中一位適合統領香港飯的人，再加上其中一位會來香港的成員係我會留意下的小畑優奈ゆなな，於是就萌生一種統籌應援活動，去幹一場好戲的念頭。其實是想挑戰自己，才去負責擔這樣野。

我就開始擔起"SKE48應援活動負責人"個名去招募人幫手啦~ 話就話我負責統籌，其實我實際上做的野都可能係執頭執尾改下字體，搵人聯絡時大家寫好我負責做個窗口同人交涉，都唔算好特別的野。都係靠果班仲好有心留意SKE的海外飯去進行成件事, 有個飯又肯去畫成員, 亦有人負責設計&買物資, 更重要都成功籌到錢去令成件事好好睇睇。如果得我一個，的確沒可能成事呢，所以真係多謝你們這段時間的付出啦。

整個應扳援活動分兩部分的, 第一部分係接機。她們二月十日表演, 正路大家都會估她們會早一晚二月九日來香港, 不過佢地今次再早一日, 二月八日就已經有成員話上飛機來香港。。。可能是因為二月十一日在東京有個握, 成員要表演後馬上回日本, 才會有咁的安排。

其實都有少少失預算, 我二月八日還在中國，要傍晚才回到香港。知道消息之後, 中午有兩三個人去左接機, 因為1點幾有班名古屋飛香港的到步, 之後唔見人，其他委員放工後就馬上去攞花攞banner, 去機場入境大堂等侯, 然後我咁啱都返到香港, 試下在拿行李處裡應外合, 好可惜咁我們都碰唔到成員的。可能是我去到之前行了秘道走, 可能是她早一點乘名古屋去香港廉航到了香港, 而當時無人為意到。( 她們走的時候都時廉航去東京呀) 

結果就接唔到成員, 花都送唔到住,  變相係接我返香港XD

石田安奈、鎌田菜月、菅原茉椰、大矢真那

髙寺沙菜、熊崎晴香、小畑優奈、木本花音

吸取接機的教訓, 活動當日再準備妥當, 補回花牌等小物品, 到時再戰。

巧合地場地很開揚, 拜託了前排的人去拿著banner, 之後再讓排第一的人兄 (其實都是我們的委員) 去送花, 本來花準備了8束, 每個成員一個的, 不過送的時機夾得唔夠, 最後變成第一個送了給小畑優奈的時候, 得到全場焦點, 傳媒影過不停的~~

事情意外地順利(^^)

設計的banner成功展示給他們看，花又爭氣兩日，成功送比每位成員。小冊子的反應又好熱烈，有支持者主動向我們索取，有個推特寫本野「薄得來夠熱情(薄いけどアツイ)」，而且SKE支配人都攞幾本走，成員在本野上面見到自己又好開心指住佢，啲call又喊得。準備的東西最後都成功發揮功效，成員，支持者，營運都有正面評價，其實真係幾成功。

當日握見了三次小畑優奈, 始終都係其中一位會留意的七期生，去多啲無妨的。

第一次入去都係講好耐無見, 在香港去了邊度玩, 小畑答我去了迪士尼( ~w~)

第二次入去, 小畑開始認得我ww (我當每一次都係第一次見咁算了) 講左話一齊會入去睇表演咁 (茶) 

第三次我就拿小册子比小畑睇, 話係我地為左佢地去設計的, 

同佢講話係用中文寫佢地的介紹可能睇唔明

佢就好開心咁打開第一頁, 佢開到第一頁見到自己就更笑顏全開

然後就收了我本野XD

(利申頁面個次序純random唔係特登放小畑第一lol) 

當日有個外國人不停見小畑, 去足18次好誇張=3=

成員簽名活動進行得7788的時候, 我就去拿住banner, 期間木本花音對我打眼色, 指住banner的自己www 問我係咪佢, 跟住就扮返banner個樣wwww

M00 Overtune
M01 前のめり
M02 12月のカンガルー
M03 SKE48

 MCM04 大声ダイアモンド
M05 片想いFinally
M06 1234ヨロシク
M07 コケティッシュ渋滞中
抽獎

成員去表演, 我就好好彩咁都入到場睇的, 當時我係坐舞台最側面的

佢地跳了七首歌, 8個人跳單曲ok啦, 反正本人都唔expect太多。

表演力方面，有啲成員可能個心態係出下show表演就可以免費去海外公幹旅行，表演力真係唔算係最吸引。只有熊晴&今次做center的ゆなな係搏命啲。尤其是有兩三個邊緣人在台上空閒時走去自己傾計而不趁機同台下對下眼色吸新飯。有時會覺得團體本身都要爭氣，應援的工作只能盡量做。

抽獎, 其中一個不是飯, 上台的時候完全無表情, 估唔到不是飯居然都搶到飛來睇。不過其實個會場仲有一側完全無人坐, 所以都唔知點解唔開放比多啲人入去啦。

最深刻都係舞台表演完, ゆなな佢都特登圈住我打個招呼 ，被點相表示興奮 (>w<)

後記: 由我以前追akb開始，都無諗過有一日我係做SKE48香港應援活動的負責人(?) 就好似實現左一個夢想咁(?)

講真，今日比傳媒問我係咪好鐘意佢地先搞應援活動，我咀巴說是，心裡好明白我現在和當年的熱心程度大不如前啦。

為這班人，要擺筆錢先見到佢地，仲要換得果幾張簽名相，值唔值真係見仁見至。至少今次的經驗達到自己的期望啦。

不過今次好神奇的是SKE的活動，引來日本 台灣 大馬的巨巨來睇。飯後甜品時集合的，可能真係海外最肯為SKE48付出的大腦。大家可以圍埋講吓SKE海外公演的可能性，在好現實的經濟效益&團隊吸引力分析，交流意見，這些聚集的機會真係無幾可，獲益良多。。

特地從台灣來香港支援。你那句「不是有希望才努力，而是努力才有希望」，很發人心省呀! 還有波特的分析實在太厲害!

純粹估唔到睇48會睇到有咁的一日，如果當時無接觸到，可能我的人生真係會好唔同。。。。

今年蘋果的報導意外的正面 =)

我想要的人都有齊XD