2月看完 松本ももな @ 高嶺のなでしこ (高嶺撫子) 在澳門CONTEMPO Vol.1 MACAO JAPAN SPRING FESTIVAL 的演出，希望可以重新利用這個空間，抒發我對她們的一些想法，會是相當個人的東西，請不要期望這是一篇很公式的介紹文。
或者有人第一次睇呢個blog，我係一個以前睇AKB日本偶像嘅香港小粉絲，因為AKB先有呢個地方嘅出現，慢慢轉睇SKE然後去到2018-19年就開始睇lastidol，最鍾意係松本ももな。
事情是這樣的，疫情開始之後我漸漸沒有關注日本偶像。只知道Lastidol在2021年解散了，而我一直關注的松本ももな就轉加入到一家新的女子圑體「高嶺のなでしこ」，給我的概念就是「東家不打打西家」，除了會按讚一下美圖，就沒有太在意是什麼回事了。
我簡單介紹吓呢個女團，「高嶺のなでしこ」2022年出道，有七個係某個選秀揀出嚟(有關另外七位的成員對不起我不擅長>_<)，再加上三個lastidol嘅成員，一共係10個人嘅王道偶像組合。另一個特色係佢哋嘅歌係由一間叫HoneyWorks嘅Vocaloid音樂製作樂團去出品。如果講HoneyWorks隨時仲出名嗰個女團，因為都有10年咁上下嘅歷史。當中「高嶺のなでしこ」最出名的歌就係翻唱HoneyWorks嘅「可愛くてごめん」，YouTube有13M嘅瀏覽記錄，但佢哋其他MV就可能得1M左右。
日本偶像？不都是靠握手會商法嗎？被疫情拖垮辦活動的能力後，完全是冰河時期。連乃團的情況都有點堪憂，更何況是二三線的偶像團體。當日本人都無法當地參加活動時，香港人更加難去追日本嘅偶像吧。
然後2024年，我見到呢個團體宣布要去澳門搞演唱會，仲要一搞搞三場，當時仲要寫住「日本女子偶像天團」。我心諗邊有咁大頂帽俾佢戴，隨便問過香港澳門人都冇人識佢哋啦，除咗我這些由細睇住ももな大的低調fans之外。
如果2019年我可以因為ももな即日由大阪去福岡睇表演，要我即日由香港去澳門倫敦人睇表演，怎可能難到我呢？
其實我唔係開埋即日才知呢件事，都隔咗好幾個星期先知道，於是我打開個官網發現仲有飛賣緊，我就買咗一個比較中間嘅位置去睇表演，而我當時都唔知有VIP卷賣緊。我去緊嘅時候其實心諗，會唔會到時勁多吉位，搞到個場面會好難睇。
如是者，我準備咗個簡單印住ももな嘅橫幅，請咗半日假，第一次經港珠澳大橋即日去到氹仔嘅倫敦人劇場。
幾經辛苦終於喺倫敦人酒店入邊搵到個劇場，然後一望就望到個十個成員喺度準備緊個fans meeting我嗰個時候先發覺係有VIP飛嘅，但係要俾$1600先至有得見。於是繼續出邊等慢慢，都有唔同嘅fans出現，有來自中港澳或者親自日本嚟嘅fans。
入到去其實都唔係好坐得滿，前排大約坐滿六七行就開始有空位，然後我哋中排那面，其實坐到頭三四行左右，當中仲要有啲中年人和小朋友，應該係有人派飛俾佢嚟睇表演嗰啲人，全個劇場坐滿千幾人，但全場可能得5-600人左右。講緊係集合晒全中港澳區嘅fans人數先得咁多，真係比當年AKB嘅情況更加更加堪憂，但亦都比我想像中好少少啦其實。
活動開始就發覺原來係澳門旅遊局同日本合辦嘅活動，特登請日本嘅IDOL嚟澳門，唔怪得知請得郁佢哋10個嚟澳門啦，如果淨係佢哋自己搞嘅話，連本地都未必搞得大嘅時候，仲點會開發海外市場呢。聽咗唔同嘉賓講speech 講咗30分鐘之後終於見到成員開始跳舞啦。
雖然個劇場係戲院梗座椅設計，開始之後，大家都企晒起身走晒去舞台前睇，所以實際睇到個距離都相當之近。
我全程都可以好專心咁ももな視線咁睇佢唱歌跳舞都幾滿足嘅。成個表演跳足一個半小時，絕對冇偷懶冇走雞，唱歌和跳舞個水準都合格有餘，老實講如果以日本偶像呢個item我覺得佢哋都冇乜可以挑剔嘅地方，我覺得氣氛十分好，非常近距離，十分好睇抵睇的。
睇完之後我都有好認真諗，而家佢哋嗰個定位。開場前有幸認識我旁邊另一個香港fans，佢係因為HoneyWorks先識呢個團，最鍾意都係ももな。而我睇咗一日Twitter都見到有啲好狂熱嘅fans係追其他成員，追到去日本參加活動，可能都係啲認知廚吧。不過整體比我嘅感覺都係自己圍內相對小眾識嘅日本女團。我分享了當時的片比幾個朋友睇，佢哋都好驚訝話聽過「可愛くてごめん」嗰首歌，但就完全唔識呢個團，其實就係反映緊呢個團嘅少少問題。
的確，佢哋好努力靠HoneyWorks吸左一啲原本睇Vocaloid 嘅人睇偶像，唱HoneyWorks嘅歌係表現到佢哋嘅可愛力，但其實佢哋唱自己原創嘅歌，例如原創曲 アンチファン其實係想做到有型反叛，類似以前睇欅坂46咁。佢哋嘅形象係有多樣性嘅，但同時就係可能因為咁無留到一個好鮮明嘅形象比大眾。
追日本偶像呢件事本身都可能好小眾，睇唱歌跳舞有人會睇韓國嗰種狗仔又好聽，日本主流都有YOASOBI呢啲實力派存在，未必去到睇一班妹妹仔賣萌唱歌。當然有人追日本偶像係追認知，睇住佢地成長，這點我當年做過，當然好清楚。我想表達就係，在日本偶像呢個項目高嶺係做得好好，但好似仲未衝得出去個觀眾群去到全民偶像嗰個地步。見到佢地好努力好高水準，但就好似人氣都係未爆到出來，替她們可惜。
至於她們的出路，希望她們唔係只給人覺得係HoneyWorks嘅翻唱偶像，而係可以慢慢出多啲原創曲，成為獨當一面可以同日本一線偶像一戰嘅團體啦。老實講睇完她們的表演，我覺得高嶺のなでしこ係值得更出名的。
至於ももな，就算幾年冇見我都覺得佢對做偶像呢件事好有熱誠，尤其是在擊掌會時她知道我係由lastidol開始睇嘅時候嘅眼神，我相信她可以成為日本來緊呢個世代最出色經典嘅偶像之一。
所以去到最後我係想推廣比有機會睇到呢篇文嘅各位，係值得去睇澳門2024年3月23&24日嗰個表演，高嶺係值得更加多人認識嘅。(無收廣告費的我)
詳情:https://hk.venetianmacao.com/entertainment/takane-no-nadeshiko.html
一篇我覺得講高嶺講得幾好的文章，亦都在此分享下：https://omunibasu.wordpress.com/2023/04/02/the-curious-case-of-takane-no-nadeshiko/comment-page-1/
沒有留言:
張貼留言