「慢幾拍敗家系列」欅坂46 第一單「サイレントマジョリティー」，SKE48「チキンline」第二彈，借欅坂做一件很機智的事XD

今日快快趣寫個快手的敗家文。

4月6日正式賣欅坂一單，我待到正式發售日便跑到信和地庫某間CD舖買碟。

望到有欅坂的碟，好霸氣咁同老闆講:「唔該我要1 set呀」

跟住個老闆都好霸氣咁回覆:「你手上那一隻已經是最後一隻，要定唔要?」

望到是Type C, 本來最想要Type B， 因為有今泉佑唯唱那首 「渋谷川」, 不過得返一隻都要住先啦。

老闆一路收錢一路自言自語「日本次次有新團，點知邊個會咁好賣先得嫁，這隻第一隻我都唔敢入太多貨，誰不知第一日就賣哂」「下星期啦，下星期會翻貨」

所以我都準備好下星期再戰信和敗家。

第一隻碟開到識騎馬的大小姐 菅井友香。

時間廊

話咁快又一個星期

我又返去那間CD舖望啦

今次入到去，欅坂的CD補左貨，而且仲貴個上星期5蚊雞添。

但當時已經剩返Type B, C。 沒有Type A我表示都係制霸唔到。

先購入Type B再講。

老闆又一路收錢一路自言自語「真係估唔到，翻左貨都仲咁賣得，這隊點解咁犀利嘅。」

我補充幾句「是呀，這隊是46系姊妹團嘛，剛剛日本銷量都打破女團首單最高銷量紀錄。」

又開碟啦，今次無咁好彩，開到自己無咩感覺的成員「齋藤冬優花」

個人覺得是伏中之伏啦，但某人同我講冬優花幾好呀，幾似乃團的教主 高山一実。

可惜我連乃團的七福神都唔認識的時候，真係想像唔到 乃團的教主係一個點的人~_~

(召喚乃團宣傳部)

「菅井友香真的很像山本彩」

~~~~~~~~分隔線~~~~~~~~

上星期六久違同勸敗團一班人見面吹水兼交收，我搭單寫埋在這篇爆碟文啦

之前柏柏去日本，經過新星堂，見到二村的店特，特意幫手買下來。

原本諗住幫人訂到頭來要佢幫手買返比我，諗起都覺得有啲唔好意思。

CD我費時影低啦，開碟比我開到 七期生 後藤樂樂

巧合是柏柏最想要的內封。

可惜他只有小珠，所以提出小珠換樂樂。

我自己就唔需要小珠，

但諗起小珠應該可以用來還上單meko 的yunana債，

於是成交，再將小珠比Meko。

Meko 手中換埋張「她唯一無感的」二村返來之後，二村 生寫一家團眾yay yay yay

之後有些團友亦交低幾張上次AKB48單曲的生寫比我。

柴田阿弥 和 後藤樂樂。

最近都好少自己收生寫，收二村都仲話可以過下集物癮，收其他成員堅不知道有什麼用途。。。

唯有在這裡貼堂比大家望兩眼刷刷存啦。

~~~~~~~~~~~~~~~~分隔線~~~~~~~~~~~~~~~~~

再寫多一件事。

剛剛那次日文堂，欅坂46拯救左我。

事關上一堂日文老師交帶學生要回家找一篇有趣的日本新聞，

下次上堂跟各位分享。

同時間有其他匯報，

我腦海完全沒有把找新聞當一回事，

直到老師上堂叫大家拿出新聞，

我先醒覺起來

「今鋪屎忽鬼啦」

無啦我唯有立即打開部電腦搵新聞啦。

我叫坐隔離的女同學分享先，

順便賺啲時間比我搵新聞。

那位女同學分享有關日本手機遊戲「刀劍亂舞」

在日本的展覽吸引很多女遊戲迷。

原來講遊戲都可以叫做有趣的新聞，

巧合地電腦網頁停留在上一篇準備翻譯的欅坂訪談。 

再想起上次買落隻CD好似仲在書包未拎出來。

「這下沒問題啦」

果然我是借 欅坂46過橋。

立即找篇欅坂46 在oricon榜破女團首單銷量的新聞。

 啖啖定同其他人介紹這個「breaking idol news」

「(日文)我那篇雖然是講偶像的，不過都算好有趣的。最近日本有個新團，叫做欅坂46，剛剛在4月6日出售她們第一隻單曲，並打破歷來oricon女團首單最高銷量。。。。」

上堂交到差兼傳教，得咗。

旁邊的同學都聽得幾有興趣的樣子，

講講下我攞埋CD比同學望下實物，

仲引埋老師走過來聽我講Orz

老師聽完我講之後，

問「akb在秋葉原，咁欅坂係邊到嫁?」troll

欅坂我印象中是沒有基地吧~~

「欅坂不是以地方命名吧，不過今單她們待登去涉谷拍攝..........(略)」

咁就平安無事。

(除了家下全班都知我係推欅坂的毒X)

感謝欅坂www